Agjentët kufitarë të Shteteve të Bashkuara kanë kapur një kamion që transportonte metamfetaminë me vlerë më shumë se 5 milionë dollarë në kufirin SHBA-Meksikë të fshehur brenda një ngarkese me shalqinj.
Droga ishte e mbështjellë me plastikë të lyer me dy nuanca të gjelbërta që t’i ngjante frutave dhe u vendos mes shalqinjve të vërtetë.
Më shumë se dy ton metamfetaminë – në një total prej 1220 pako – u sekuestruan nga oficerët.
Mbajtja e drogës midis produkteve është një mënyrë e zakonshme për të kontrabanduar substancat e paligjshme përtej kufijve – dërgesat e bananeve janë më të njohurat, por oficerët kanë gjetur kohët e fundit lëndë narkotike në djathë dhe avokado.
Zyrtarët e Doganave dhe Mbrojtjes Kufitare të SHBA thanë se oficerët e tyre kishin ndaluar një kamion që transportonte një rimorkio në kufirin me Meksikën në Otay Mesa.
Dokumentet sugjeruan që shoferi po transportonte një ngarkesë për shalqinj, por një inspektim zbuloi pakot që përmbanin metamfetaminë.
I njohur gjithashtu thjesht si meta, është një stimulues i fuqishëm dhe që krijon varësi. Shoferi iu dorëzua zyrtarëve të Sigurisë Kombëtare.
Konfiskimi erdhi një javë pasi zyrtarët në të njëjtin vendkalim kufitar zbuluan pothuajse 300 kg meta në një ngarkesë me selino. Të dy transportet arritën në një vlerë totale prej 6 milionë dollarësh, sipas CBS News.
Kartelet meksikane të drogës janë prodhuesit dhe furnizuesit kryesorë të metamfetaminës në Shtetet e Bashkuara./topchanel/
Kosova mundet nga Irlanda
Rama thotë se ka filluar instalimi i ashensorëve në banesa k...
Gjuajtja me vezë – Xheneta akuzon Xuxin se e ka planifikuar ...
Abdixhiku: Sonte, Malisheva i dha zë ‘Turneut të Ndryshimit’
Vdekja e 25-vjeçarit në Prizren, Haradinaj bën thirrje për r...
Osmani takoi Ndihmës Sekretarin e Përgjithshëm të NATO-s, fl...
Skip to content
